نوازشریف کی 3 ریفرنسزیکجا کرنے کی درخواست مسترد

مہر خبررساں ایجنسی نے ایکسپریس کے حوالے سے نقل کیا ہے کہ پاکستان کے چیف جسٹس ثاقب نثارنے بھی سابق وزیر اعظم نوازشریف کی 3 ریفرنسزیکجا کرنے کی اپیل مسترد کردی ۔ اطلاعات کے مطابق چیف جسٹس آف پاکستان جسٹس ثاقب نثارنے سابق وزیراعظم نوازشریف کی 3 ریفرنسزیکجا کرنے کی ان چیمبردرخواست کی سماعت کی۔ سماعت کے دوران چیف جسٹس نے رجسٹرارآفس کی جانب سے لگائے گئے اعتراضات کو برقراررکھا۔ چیف جسٹس نے اپنے ریمارکس میں کہا کہ نوازشریف پانامہ فیصلے پرنظرثانی کاآپشن حاصل کرچکے ہیں۔ اس سے قبل احتساب عدالت نے بھی تینوں نیب ریفرینس یکجا کرنے کے لیے سابق وزیراعظم نواز شریف کی درخواست مسترد کردی تھی۔واضح رہے کہ سپریم کورٹ نے 28 جولائی کو پانامہ لیکس مقدمے میں نواز شریف کو نااہل قرار دیتے ہوئے نیب کو ان کے خلاف ریفرنس دائر کرنے کا حکم دیا تھا۔ نیب نے 8 ستمبر کو نوازشریف اور ان کے بچوں کے خلاف لندن فلیٹس، آف شورکمپنیوں، عزیزیہ اسٹیل اور ہل میٹل کمپنی سے متعلق 3 مقدمات درج کیے تھے۔